प्रस, वीरगंज, ३ भदौ/
वीरगंज महानगरको दुई स्थानमा आज सम्पन्न रक्तदान कार्यक्रममा छजना महिलासहित ९० जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
कृष्ण जन्माष्टमीको अवसरमा श्रीकृष्ण प्रणामी युवा परिषद् जिल्ला कार्यसमिति वीरगंजले वडा नं. १५ भिस्वामा आयोजना गरेको रक्तदान कार्यक्रममा दीपेन्द्र बजगाईं, यशोदा पोखरेल, सोनीकुमारी झा, श्रवणराज गिरी, कोपिला कुञ्ज, मोहित अग्रवाल, सुरज पटेल, योगेश बजगाईलगायत २८ जनाले रक्तदान गरेका थिए ।
यसैगरी शुक्रवार वीरगंज महानगर–२५ मा सुक्खा बन्दरगाहमा लालीगुराँस बचत तथा ऋण सहकारी संस्थाले आयोजना गरेको रक्तदान कार्यक्रममा तीनजना महिलासहित ६२ जनाले रक्तदान गरेका थिए ।
सञ्चिता सुवेदी, सुनीता सिलवाल, इन्द्रदेवप्रसाद कुर्मी, धीरज चतुर्वेदी, गुलमहम्मद अन्सारी, अशोक पटेल, विष्णुराम, रूपेश यादव, सुरेश साह, राधेश्याम साहलगायतले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेले बताए ।
