प्रस, वीरगंज, ७ साउन/
जिल्ला प्रहरी कार्यालय, पर्साले एकजना सुमो चालकलाई पक्राउ गरेको छ । पक्राउ पर्नेमा बहुदरमाई नगरपालिका–७ विश्रामपुर निवासी २१ वर्षीय अलाउद्दीन अन्सारी रहेका छन् । उनले बिहीवार साँझ ५ बजे वीरगंज महानगरपालिका–२४ कृष्ण पेट्रोल पम्पअगाडि रामगढवामा बहुअरी निवासी वर्ष ७० का शिवदयाल राउत अहिरलाई ना.१ज १९२१ नम्बरको टाटा सुमो गाडीले ठक्कर दिइ घाइते बनाएका थिए ।
घाइते अहिरलाई बीच बाटोमैं छटपटाउँदै गरेको अवस्थामा अलपत्र छाडी फरार अन्सारी भएका थिए ।
घटनाको सूचना पाए लगत्तै जिप्रकाको श्रीपुरबाट खटिएको प्रहरी टोलीले घाइतेलाई उपचारको लागि नारायणी अस्पताल, वीरगंजमा पु¥याउँदा चिकित्सकले मृत घोषित गरेका थिए ।
प्रहरीले अन्सारीलाई शुक्रवार वीमनपा–१९ विन्ध्यवासिनी चोकबाट नियन्त्रणमा लिएको थियो । घटनामा प्रयोग भएको ना.१ज १९२१ नम्बरको टाटा सुमो गाडी वीमनपा–१५ गण्डकस्थित आफन्तको घरमा लुकाइ राखेकोमा बरामद गरी सवारी ज्यानसम्बन्धी कसूरमा अनुसन्धान अगाडि बढाइएको जिप्रकाले जनाएको छ ।
