प्रस, वीरगंज, ४ साउन/
वीरगंजको गण्डक चोकका ट्राफिक प्रहरीबाट नेपाली चालकहरू हैरान छन् ।
चेकिड्ढो नाममा ट्राफिक प्रहरीको दैनिकरूपमा अवैध असुलीले चालकहरूले दुःख पाएको गुनासो गरेका छन् । ट्राफिक हवल्दार रामेश्वरप्रसाद यादवको टोलीले मोटरसाइकल, अटो, ट्याक्टर, ट्रक, बसलगायतका गाडीहरूको चेकिड्ढो नाममा हैरान पारिरहेको चालकहरूको गुनासो छ ।
ट्राफिक प्रहरीले ईरिक्शाहरूलाई रोड परमिट नलिएको भन्दै गालीगलौजसमेत दिने गरेको चालकहरूको गुनासो छ । एकजना चालकका अनुसार पैसा दिएपछि सबै ठीक छ, नदिंदा यो मिलेन, त्यो मिलेन भनेर हप्काउने गरेको, तथानाम गालीगलौज गर्ने गरेका छन् । साथै ट्राफिक प्रहरीले नेपाली गाडीहरूलाई ओभरलोडको बहानामा विनाकारबाई पैसाको लागि घण्टौं सडकमा लाइन लगाएर दुःख दिने गरेको चालकहरूको गुनासो छ ।
त्यहीं ओभरलोड भारतीय गाडीहरूसँग रकम असुली ट्राफिक प्रहरीले तुरुन्तै छोड्ने गरेको नेपाली चालकहरूको गुनासो छ ।
