प्रस, वीरगंज, ३१ असार/
वीरगंज पब्लिक कलेजको आयोजनामा शुक्रवार २८ जना महिलासहित १४४ जनाले रक्तदान गरेका छन् । वीरगंज ब्यारेकका प्रमुख सेनानी डायमन्ड कार्कीले रक्तदान कार्यक्रमको उद्घाटन गरेका थिए । कलेजका प्रमुख डा विनय श्रेष्ठको अध्यक्षतामा भएको कार्यक्रममा वप्रका, बिर्ताका प्रनि विशाल मल्ल, वीरगंज पब्लिक कलेजका सहायक क्याम्पस प्रमुख अरविन्द श्रेष्ठ, ब्लोदानका विक्की सर्राफलगायतको सहभागिता थियो ।
कार्यक्रममा सुषमा कर्ण, विनीता साह, श्रीराम साह, स्नेहा चौधरी, मुकेश साह, राहुल गुप्ता, अनामिका गुप्ता, खुश्बु कुमारी, रिपु यादव, मेघा साह, सुजाता चौधरी, विपिन भट्टराई, डा अजय जयसवाल, नितेश कर्ण, विशेष श्रेष्ठ, राहुल शर्मा, नरेन्द्र साह, राज महरा, सौरभ गुप्तालगायतले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
