विश्रामपुरमा बर्थिङ सेन्टरको उद्घाटन

प्रस, बारा, २२ जेठ/

विश्रामपुर गाउँपालिकाका अध्यक्ष जुल्फकार अलि भुट्टोले बर्थिङ सेन्टर उद्घाटन गरेका छन् ।

एक कार्यक्रमबीच उनले २४ घण्टा सेवा प्रदान गर्ने बर्थिङ सेन्टरको उद्घाटन गरेका हुन् । विश्रामपुर स्वास्थ्य चौकीमा सञ्चालनमा आएको बर्थिङ सेन्टरमा जन्मिने पहिलो बच्चाका परिवारलाई प्रोत्साहन स्वरूप २५ हजार नगद दिने घोषणा पनि उनले गरे ।

सो अवसरमा उनले गाउँपालिकाका नागरिकलाई निश्शुल्क एम्बुलेन्स सेवा उपलब्ध गराउने बताए ।