प्रस, बारा, ७ जेठ/
कलैया उपमहानगरपालिकाको वडाध्यक्षमा पुराना चारजना दोस्रोपटक र २३ जना नयाँ निर्वाचित भएका छन् ।
वडा नं ७ का सैफुल्लाह मियाँ अन्सारी, वडा नं १४, १५ र १६ का सुरेन्द्रप्रसाद जैसवाल, भोरिकप्रसाद यादव र शेषनाथ साह तेलीले यसपटक पनि निर्वाचन जितेर दोहोरिएका छन् ।
कलैया उपमहानगरको घोषित मतपरिणाम अनुसार नेपाली काङ्ग्रेसका १०, एमालेका नौ, जसपाका छ, नेकपा एसको एक र लोकतान्त्रिक समाजवादी पार्टीको एक गरी २७ जना निर्वाचित भएका छन् ।
निर्वाचित हुनेमा १ देखि २७ सम्म क्रमशः मोहनबहादुर क्ष्Fत्री, राजेशकुमार महतो, मोहन साह कानू, रामेश्वरप्रसाद यादव, किशुनप्रसाद यादव, रामविश्वास ठाकुर, सैफुल्लाह मियाँ अन्सारी, रञ्जीत चौरसिया, पुरुषोत्तमसिंह पाण्डे, महम्मद सबिर, अजय कुशवाहा, लालबाबू मण्डल, राजेशमहथा खत्री, सुरेन्द्र जैसवाल, भोरिकप्रसाद यादव, शेषनाथ साह तेली, दीपेन्द्र महतो, धु्रपराउत अहिर, हरिन्द्रराउत कुर्मी, मोहम्मद आलम पवरिया, शिवबिहारी चौधरी, शिवचन्द्र कामी, अमिन अन्सारी, हीरालाल चौधरी, चन्दन कुर्मी, धर्मेन्द्रप्रसाद यादव र अशोक तिवारी छन् ।
उपमहानगरको प्रमुखमा एमालेका विनोद साह र उपप्रमुखमा एमालेकै रौशन प्रवीण विजयी भएका छन् ।
