किभ, १६ चैत/सिन्ह्वा
युक्रेनको क्षेत्रीय प्रशासनिक भवनमा भएको आक्रमणमा परी कम्तीमा १२ जनाको मृत्यु भएको
छ ।
रूसको सुरक्षा फौजले गरेको सो हवाई आक्रमणमा परी अरू ३३ जना घाइते भएका अधिकारीहरूले जनाएका छन् ।
युक्रेनको दक्षिणपूर्वी क्षेत्रमा पर्ने माइकोलायीभ शहरमा घटना भएको युक्रेनको आन्तरिक मामिला मन्त्रालयले मङ्गलवार जनाएको छ ।
स्थानीय समय अनुसार बिहान ८.४५ मा हवाई आक्रमण भएको स्थानीय बासिन्दाले जानकारी दिएका छन् । आक्रमणका कारण झन्डै नौ भवनमा क्षति पुगेको पनि अधिकारीहरूले जनाएका छन् ।
घटनास्थलबाट १८ जनालाई उद्धार गरिएको मन्त्रालयले जनाएको छ । घटनास्थलमा खोजी तथा उद्धार कार्य पनि जारी रहेको अधिकारीहरूले जनाएका छन् ।
एएफपीले दिएको समाचार अनुसारमध्य इजरायली शहर बनी ब्राकमा प्यालेस्टाइनी बन्दूकधारीले मारेका पाँच मध्ये दुईजना युक्रेनी नागरिक भएको इजरायली प्रहरीले बुधवार जनाएको छ ।
मङ्गलवारको आक्रमणका पीडितहरूमध्ये २३ र ३२ वर्षीय युक्रेनी नागरिक रहेको प्रहरीले जनाएको छ ।
