नयाँ दिल्ली, २६ माघ/एएफपी
भारतको राजधानी प्रान्त दिल्लीमा बुधवार विधानसभा निर्वाचन शुरू भएको छ । निर्वाचनमा प्रधानमन्त्री नरेन्द्र मोदीको हिन्दू राष्ट्रवादी भारतीय जनता पार्टी (भाजपा) आप्mनो प्रमुख प्रतिद्वन्द्वीलाई हटाउन प्रयासरत छ ।
तीन करोडभन्दा बढी जनसङ्ख्या भएको विशाल महानगर दिल्लीमा विगत एक दशकको अधिकांश समय ‘करिस्मेटिक’ अरविन्द केजरीवाल र उनको आम आदमी पार्टी (आप) को शासन रहेको छ ।
निर्वाचन आयोगको प्रारम्भिक प्रवृत्तिका अनुसार भारतीय जनता पार्टीले दिल्ली विधानसभा चुनावको नतीजामा बहुमतको सिट पार गरेको छ ।
भाजपा अहिले ३८ सिटमा अगाडि छ भने आप २७ सिटमा अगाडि छ । राष्ट्रिय राजधानीमा सरकार गठनका लागि बहुमतको सिट ३६ रहेको छ । भारतीय प्रधानमन्त्री नरेन्द्र मोदीले दिल्ली प्रान्तमा विकासको जीत शुरू भएको बताए ।
“यो जीत विकासको हो, सुशासनको जीत हो ।” मतगणना अझै चलिरहेको छ, तर दिल्लीका पूर्व मुख्यमन्त्री तथा आप प्रमुख अरविन्द केजरीवाल बीजेपी उम्मेदवार प्रवेश वर्मासँग पराजित भएका छन् ।
“हामी फैसला स्वीकार गर्छाैं र भाजपालाई बधाई दिन्छौं”–केजरीवालले एक भिडियो वक्तव्यमा बताए ।
“हामी दिल्लीको समग्र विकास सुनिश्चित गर्न र त्यहाँका बासिन्दाहरूको जीवन राम्रो बनाउन कुनै कसर छोड्ने छैनौं”– मोदीले सामाजिक सञ्जाल पोस्टमा उल्लेख गरेका छन् । रासस
