प्रस, वीरगंज, १५ माघ/
बारा प्रहरीले स्रोत नखुलेको १० लाख रुपैयाँसहित दुईजनालाई पक्राउ गरेको छ । सोमवार राति जीतपुरसिमरा उपमहानगरपालिका–१६ पैनीटोलबाट स्रोत नखुलेको १० लाखसहित दुईजनालाई पक्राउ गरेको प्रहरीले जनाएको छ ।
पर्साको सखुवाप्रसौनी गाउँपालिका–१ दोहरीटोलका ३२ वर्षीय अनिल पटवारी थारू र वीरगंज महानगरपालिका–१५ लक्ष्मणवाका ३१ वर्षीय ओमप्रकाश यादव रहेको प्रहरीले जनाएको छ ।
इलाका प्रहरी कार्यालय, सिमरा र अस्थायी प्रहरी पोस्ट, डुमरवानाबाट खटेको प्रहरी टोलीले कलैयाबाट विराटनगर जाँदै गरेको म.प्र.०३–००१ च ८०७३ नम्बरको पिकअप गाडी चेकजाँच गर्दा गाडीको सिटमुनि लुकाइछिपाइ राखेको अवस्थामा १० लाख नगद फेला परेको र यसबारे अनुसन्धान भइरहेको प्रहरीले जनाएको छ ।
