प्रस, वीरगंज, १५ माघ/
साउथजोन माविको १६औं वार्षिकोत्सवको अवसरमा १४ महिलासहित ५३ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेयले बताए ।
मङ्गलवार विद्यालय परिसरमा आयोजना गरिएको रक्तदान कार्यक्रममा सीता देवी, रोशनी श्रेष्ठ, पवित्रा अधिकारी, सरीता झा, निशाकुमारी साह, सञ्जना देवी, समिता सिलवाल, रामचन्द्र चौधरी, सन्तोषकुमार यादवलगायतले रक्तदान गरेका थिए ।
विद्यालयका सञ्चालक सरोजप्रसाद चौधरीको अध्यक्षतामा भएको कार्यक्रममा नेपाल रेडक्रस सोसाइटी वीरगंज शाखाका सभापति वीरेन्द्रराज कँडेल, अभिलाष गुप्तालगायतको सहभागिता थियो ।
