प्रस, वीरगंज, १५ माघ/
अन्तरविद्यालय बाल फूटबलको उपाधि लिटिल फ्लावर माविले उचालेको छ । मङ्गलवार भएको फाइनल खेलमा लिटिल फ्लावर माविले एसआर ग्यालेक्सीलाई शून्यका विरुद्ध दुई गोलले पराजित गरेको हो ।
गौतम माविको ४८औं वार्षिकोत्सवको अवसरमा माघ १० गतेदेखि शुरू भएको अन्तरविद्यालय बाल फूटबल प्रतियोगिता अन्तर्गत आज फाइनल खेल भएको हो ।
प्रतियोगिता समापन कार्यक्रममा वीरगंज महानगरका प्रमुख राजेशमान सिंहले विद्यार्थीहरूको लागि हरेक प्रकारका खेल आयोजना हुनुपर्नेमा जोड दिए ।
प्रतियोगितामा उत्कृष्ट गोलरक्ष्Fक एसआर ग्यालेक्सी माविका गोलरक्षक करण यादव घोषित भए । त्यस्तै, उत्कृष्ट डिफेन्डर लिटिल प्mलावर माविका राकेश यादव, उत्कृष्ट मिडफिल्डर सोहेल आलम, प्रतियोगिताभरि सर्वाधिक गोलकर्ता लिटिल प्mलावरका फरहान आलम र उत्कृष्ट प्रदर्शन गर्ने एसआर माविका रणभीर चौहान घोषित भएको गौतम माविका सञ्चालक सोनाम लामाले जानकारी गराए । विजयी टीम तथा उत्कृष्ट खेलाडीहरूलाई शिल्ड, प्रमाणपत्रसहित पुरस्कृत गरिएको थियो ।
