प्रस, वीरगंज, १५ माघ/
नेपाल रेडक्रस सोसाइटी रेशमकोठी उपशाखाको नवनिर्वाचित कार्यसमितिको शपथग्रहण कार्यक्रम सम्पन्न भएको छ ।
वीरगंज महानगरपालिका–५ रेशमकोठीस्थित उपशाखा भवनमा भएको शपथग्रहण कार्यक्रममा निर्वाचन अधिकृत महन्तप्रसाद यादवले नवनिर्वाचित पदाधिकारीहरूलाई शपथग्रहण गराएका थिए ।
नेरेसो उपशाखा रेशमकोठीका नवनिर्वाचित पदाधिकारीहरू सभापति डा जीतेन्द्र आश्वानी, उपसभापति सरीताकुमारी यादव, कोषाध्यक्ष नवनीत अग्रवाल, सहकोषाध्यक्ष अभिलाष गुप्ता, सहसचिव राजकुमार साह, सदस्यहरू नरेन्द्रकुमार शाह, प्रकाशकुमार उपाध्याय, मुना खनाल, रामसुदिष्टलाल कर्णलगायतलाई प्रमाणपत्रसमेत वितरण गरिएको थियोे ।
कार्यक्रममा वडाध्यक्ष प्रदीपकुमार चौरसिया, रेशमकोठी उपशाखाका निवर्तमान सभापति नारायण यादव, भागवत चौधरी, अमन पटेललगायतको सहभागिता थियो ।
