प्रस, वीरगंज, १३ माघ/
७३औं अन्तर्राष्ट्रिय भन्सार दिवसको अवसरमा आइतवार वीरगंज भन्सार कार्यालय आइसिपीको आयोजनामा रक्तदान कार्यक्रम सम्पन्न भएको छ ।
रक्तदान कार्यक्रमको प्रमुख जिल्ला अधिकारी गणेश अर्यालले उद्घाटन गरेका थिए । कार्यक्रममा भन्सार कार्यालयका प्रमुख भन्सार प्रशासक दीपक लामिछाने, प्रमुख भन्सार अधिकृत रामप्रसाद पाठक, राजेन्द्र ढुङ्गाना, हृदयनारायण साह, सुनीता पौडेललगायतको सहभागिता थियो ।
कार्यक्रममा चारजना महिलासहित ४० जनाले रक्तदान गरेको रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले बताए ।
कार्यक्रम रोज तिवारी, रामप्रसाद पाठक, हृदयनारायण साह, लेखनाथ पौडेल, रोशनकुमार चौरसिया, धीरजकुमार पटेल, राजेशकुमार कुशवाहा, शिव कुशवाहा, पारस महतोलगायतले रक्तदान गरेको केन्द्रका प्राविधिक जीतेन्द्र कुशवाहाले बताए ।
