बलिराम शुक्ला, बिरुवागुठी, १३ माघ/
पर्सागढी नगरपालिका–१ कोइलाभारमाई खेलमैदानमा जारी दोस्रो कोइलाभारमाई नकआउट फूटबल प्रतियोगिता अन्तर्गत आइतवार भएको खेलमा पर्साको वनशक्तिमाई युवा क्लब सिद्धपुर टाइब्रेकरमा विजयी भएको छ ।
कोइलाभारमाई युवा क्लब मनवाद्वारा आयोजित आजको खेलमा वनशक्ति युवा क्लबले बाराको जीतपुर एसटी क्लबलाई टाइब्रेकरमा तीनका विरुद्ध चार गोल अन्तरले पराजित गरेको हो । निर्धारित समयमा दुवै टीमबीच एक/एक गोलको बराबरी भएपछि टाइबे्रकरबाट निर्णय लिइएको थियो । यस खेलको ‘म्यान अफ दी म्याच’ जीतपुरका सागा तामाङ घोषित भए ।
भोलि सोमवार पर्सागढी युवा स्पोट्र्स क्लब बडनिहार र आयोजक कोइलाभारमाई युवा क्लब मनवाबीच हुने आयोजक समितिका सदस्य दीपक महतोले बताए ।
