प्रस, परवानीपुर, १३ माघ/
नेशनल इन्फोटेक कप क्रिकेट प्रतियोगिता अन्तर्गत नारायणी क्रिकेट मैदान वीरगंजमा आइतवार दुईवटा खेल भए ।
पहिलो खेलमा नेशनल एकेडेमीले वीरगंज कलेजलाई ५५ रन अन्तरले पराजित ग¥यो । पहिला ब्याटिङ गर्दै नेशनल एकेडेमीले ११ ओभरको खेलमा पाँच विकेट गुमाएर १०८ रन बनाएको थियो । प्रतिउत्तरमा वीरगंज कलेज ११ ओभरमा पाँच विकेट गुमाएर ५३ रनमा सीमित भयो । यस खेलमा नेशनलका अर्जुन यादव ‘म्यान अफ दी म्याच’ घोषित भए ।
दोस्रो खेलमा डेसिमल कलेजलाई हेटौंडा स्कूल अफ म्यानेजमेन्टले छ विकेट अन्तरले पराजित ग¥यो । पहिला ब्याटिङ गर्दै डेसिमलले निर्धारित २० ओभरको खेलमा नौ विकेट गुमाएर १११ रन बनाएको थियो । सो लक्ष्यलाई हेटौंडाले १७.४ ओभरमा चार विकेटको नोक्सानीमा पूरा गर्दै विजयी भयो । यो खेलमा सृजन अधिकारी ‘म्यान अफ दी म्याच’ घोषित भए ।
