प्रस, परवानीपुर, १२ माघ/
नारायणी क्रिकेट मैदानमा जारी नेशनल इन्फोटेक कप क्रिकेट प्रतियोगिता अन्तर्गत शनिवार दुईवटा खेल सम्पन्न भए ।
आज भएको पहिलो खेलमा ज्ञानदा एकेडमीले डेसिमल कलेजलाई ५७ रन अन्तरले पराजित ग¥यो । पहिला ब्याटिङ गरेको ज्ञानदाले निर्धारित १० ओभरको खेलमा आठ विकेट गुमाएर १०६ रन बनाएको थियो । प्रतिउत्तरमा डेसिमल कलेज ९.५ ओभरमा सबै विकेट गुमाएर ४९ रनमा सीमित भयो । यस खेलमा ज्ञानदाका चन्दन राम ‘म्यान अफ दी म्याच’ घोषित भए ।
दोस्रो खेलमा वीरगंज पब्लिक कलेजले सेन्ट जेभियर्सलाई २८ रन अन्तरले पराजित ग¥यो । पहिला ब्याटिङ गर्दै वीरगंज पब्लिक कलेजले निर्धारित २० ओभरको खेलमा सात विकेट गुमाएर १३७ रन बनाएको थियो भने सेन्ट जेभियर्स २० ओभरमा नौ विकेट गुमाएर १०९ रनमा सीमित भयो । यस खेलमा वीरगंज पब्लिकका इमरान अन्सारी ‘म्यान अफ दी म्याच’ घोषित भए ।
