प्रस, वीरगंज, ११ माघ/
सक्रिय युवा कल्याण सङ्घले शुक्रवार जीतपुरसिमरा उपमहानगरपालिका–६ नगौलमा आयोजना गरेको रक्तदान कार्यक्रममा १४ जनाले रक्तदान गरेका छन् ।
कार्यक्रममा सुनीलकुमार गुप्ता, अजय राउत, अनिलकुमार साह, सलमान खान, हलिम मियाँलगायतले रक्तदान गरेको रक्तसञ्चार केन्द्र, वीरगंजका प्रमुख सौरभराज पाण्डेयले बताए ।
कार्यक्रममा केन्द्रका जीतेन्द्र कुशवाहाले प्राविधिक सहयोग पु-याएका थिए ।
सङ्घका अध्यक्ष नवेद आलम अन्सारीको अध्यक्षतामा भएको कार्यक्रममा प्रदेशसभा सदस्य देवनारायण चौधरी, वडाध्यक्ष सुनीलकुमार गुप्ता, प्रधानाध्यापक राजुकुमार सिंहलगायतको सहभागिता थियो ।
