बलिराम शुक्ला, बिरुवागुठी १३ कात्तिक/
छठपर्व नजीकिएसँगै अहिले छठघाटको सरसफाइ तथा सजावटको कार्यले तीव्रता पाएको छ ।
पर्सागढी नगरपालिकाको स्रोत साधनबाट नगरभित्र रहेका सम्पूर्ण छटघाटको सरसफाइ तथा मर्मतको कार्यले तीव्रता पाएको हो ।
नगरप्रमुख गोकर्ण पाठकका अनुसार नगरभित्र रहेका करीब ७५ वटा छठघाटमा पालिकाको स्रोत साधनबाट बाटो मर्मत, सरसफाइ तथा छटघाटमा माटो पुरी सम्याउने कार्य भइरहेको बताए । उनले सम्पूर्ण छटघाटलाई सजावटको लागि पालिकाले न्यूनतम केही रकमसमेत हरेक वर्ष दिने गरेकामा यस वर्ष पनि दिइने बताए । नगरप्रमुख पाठक दिनहुँजसो छठघाट मरम्मतस्थलमा पुगेर अनुगमनसमेत गर्ने गरेका छन् ।
