बारामा करेन्ट लागेर एकजनाको मृत्यु

प्रस, वीरगंज, ८ कात्तिक/
कलैया उपमहानगरपालिका–२३ मतौडामा एकजना व्यक्तिको करेन्ट लागेर मृत्यु भएको छ । मृत्यु हुनेमा ५५ वर्षीय रघुनाथ साह कानू रहेको बारा प्रहरीले जनाएको छ ।

कुखुरा फर्मनजीक पानी खान जाने क्रममा पोखरीको वरिपरि रहेको नाङ्गो विद्युत् तारमा टेक्दा साहलाई करेन्ट लागेको जिल्ला प्रहरी कार्यालय, बाराका प्रवक्ता प्रहरी नायब उपरीक्षक प्रकाश सापकोटाले बताए ।