सवारी दुर्घटनामा दुईजनाको मृत्यु

प्रस, रौतहट, १० भदौ/
चन्द्रपुर नगरपालिकामा सोमवार भएको सवारी दुर्घटनामा दुईजनाको घटनास्थलमैं मृत्यु भएको छ ।

टाटा सुमो र मोटरसाइकल एकापसमा ठोकिंदा मोटरसाइकलमा सवार सुनसरी जिल्ला धरान उपमहानगर–१५ बस्ने तुलसी ओझा र मोरङ जिल्ला सुन्दरहरैचा नपा–११ बस्ने विवश बाँस्कोटाको घटनास्थलमैं मृत्यु भएको इलाका प्रहरी कार्यालय चन्द्रनिगाहपुरका प्रहरी निरीक्षक राजकुमार राईले बताए ।