प्रस, महोत्तरी, १० भदौ/
महोत्तरीको गौशाला सम्सी खण्डको जङ्गलमा सोमवार फेरि अर्को एउटा साँढे मृत अवस्थमा फेला परेको छ । अर्को एउटा साँढे अचेत अवस्थामा फेला परेको छ ।
सोमवार बिहान गौशाला नगरपालिका–१ सडकछेउको जङ्गलमा उक्त साँढे फेला परेको स्थानीयले बताएका छन् ।
कसैले गाडीमा ल्याएर त्यहाँ फालेको हुन सक्ने स्थानीयले आशङ्का गरेका छन् । आइतवार बिहान पनि धनुषाको मिथिला नगरपालिका वडा नं २ नक्टाझिजस्थित बसही खोला किनारमा यसैगरी एउटा साँढे मृत र अर्को अचेत अवस्थमा फेला परेका थिए ।
ती सFँढेहरू जनकपुरधाम उपमहानगरपालिकाका नगर प्रहरीले अचेत बनाइ टिपरमा हालेर फालेको सिसिटिभी फुटेजमा देखिएको थियो । त्यसैगरी, चार दिन अघि पनि धनुषाको क्षीरेश्वरनाथ नगरपालिकामा दुईवटा साँढे अचेत अवस्थामा फेला परेका थिए ।
