बारा प्रहरीद्वारा ६२ किलो गाँजा र अवैध सामान नियन्त्रण

प्रस, वीरगंज, ३१ साउन/
जिल्ला प्रहरी कार्यालय, बाराले भ्यानमा लोड गरिएको ६२ किलो गाँजा नियन्त्रणमा लिएको छ ।

बुधवार प्रहरी चौकी पथलैयाले जीतपुरसिमरा उपमहानगरपालिका–१ पथलैयाचोकमा सवारीसाधन चेकजाँच गर्ने क्रममा ना.१ज ८४५८ नम्बर भ्यान सो स्थानबाट भागेको थियो । प्रहरीलाई शङ्का लागेपछि खोजतलाश गर्दा हुलास कारखानानजीकै भ्यान भेटिएको थियो । प्रहरीले उक्त भ्यानबाट ६२ किलो गाँजा बरामद गरेको छ भने फरार चालकको खोजी गरिरहेको जिप्रका, बाराले जनाएको छ ।