प्रस, वीरगंज, २१ साउन/
जीतपुरसिमरा उपमहानगरपालिका–२ मा शिव महापुराण ज्ञान महायज्ञ हुने भएको छ ।
पञ्चेश्वर महादेव मन्दिरको आयोजनामा वडा नं २ नरबस्तीस्थित पञ्चेश्वर शिवालय मन्दिरमा शिव महापुराण ज्ञान महायज्ञ हुन लागेको
हो । मन्दिरको जीर्णोद्धार तथा भौतिक संरचना सुधार गर्ने उद्देश्यका साथ आयोजना गर्न लागिएको शिव महापुराण ज्ञान महायज्ञ भदौ २ गतेसम्म चल्नेछ ।
शिव महापुराणमा कथावाचक नवराज अधिकारीले कथा वाचन गर्नेछन् । शिव महापुराणमा झाँकी तथा सङ्गीतमय कथा वाचनसमेत हुने आयोजक समितिका संयोजक वीरेन्द्र बाँस्कोटाले बताए ।
शिव महापुराणको उद्घाटनको दिन कलशयात्रा निकालिने उनले बताए । शिव महापुराण आयोजना गर्न बाँस्कोटाको संयोजकत्वमा विभिन्न उपसमिति गठन गरिएका छन् ।
