प्रस, वीरगंज, ११ साउन/
कर्मयोगी बद्रीविक्रम थापा स्मृति सेवा गुठीले यस वर्षको सेवा पुरस्कार–२०८१ पत्रकार चन्द्रकिशोर झालाई प्रदान गरेको छ ।
विगत तीन दशकदेखि बद्रीविक्रम थापाको स्मृतिमा साउन ११ गते वार्षिकोत्सवको अवसरमा प्रदान गरिंदै आएको यो सेवा पुरस्कार आज काठमाडौंस्थित नेपाल प्रज्ञा प्रतिष्ठानमा कार्यक्रम आयोजना गरी प्रदान गरिएको हो ।
पत्रकार चन्द्रकिशोरले नेपालका विभिन्न पत्रपत्रिकामा सान्दर्भिक समस्याहरूको उठान गरी विश्लेषणात्मक लेख लेख्दै आएकामा यस वर्षको सेवा पुरस्कार प्रदान गरिएको हो । रु दुई लाख २२ हजार २२२ रुपैयाँ राशिको पुरस्कार पत्रकार चन्द्रकिशोरले प्राप्त गरे ।
कार्यक्रममा वरिष्ठ नेत्ररोग विशेषज्ञ एवं विश्वविख्यात व्यक्तित्व डा सन्दुक रुइतलाई पनि सो पुरस्कारबाट सम्मानित गरिएको गुठीका कोषाध्यक्ष किरण थापाले बताए ।
डा रुइतलाई कर्मयोगी बद्रीविक्रम थापा राष्ट्रिय गौरव पुरस्कारबाट पुरस्कृत गरिएको कोषाध्यक्ष थापाले जानकारी गराए ।
