प्रस, बिरुवागुठी, १० असार/
जीराभवानी गाउँपालिकाबाट प्रहरी गस्ती टोलीले लागूऔषध गाजासहित दुईजनालाई पक्राउ गरेको छ।
इलाका प्रहरी कार्यालय, पटेर्वासुगौलीका प्रहरी निरीक्षक मोहनजङ्ग बुढाथापा नेतृत्वको गस्ती टोलीले हिजो आइतवार राति १० बजे जीराभवानी गापा–१ महादेवपट्टिस्थित ओरिया खोलाको बाटो हुँदै भारततर्फ जाँदै गरेको भारतीय नम्बरको मोटरसाइकल चेकजाँच गर्दा चार किलो गाँजा बरामद भएको र मोटरसाइकलमा सवार दुईजनालाई नियन्त्रणमा लिएको थियो।
प्रहरीले पक्राउ परेका दुईजनामध्ये एकजना जगरनाथपुर गापा निवारी शम्भु राम र अर्का भारत राजस्थान निवासी कृष्णलाल पाण्डे रहेको जनाएको छ। उनीहरूलाई इप्रकामा राखेर थप अनुसन्धान भइरहेको प्रनि बुढाथापाले बताए।
