नितेश कर्ण, वीरगंज, ५ असार/
सर्लाहीको बरहथवा नगरपालिका–१२ स्थित लौकठबाट एकजना महिलाको शव फेला परेको छ।
लौकठ बस्ने शङ्कर महतोकी पत्नी अन्दाजी वर्ष ३५ की लीलावतीदेवी महतोको शव हिजो बरामद भएको प्रहरीले जनाएको छ।
खेतमा बेवारिसे अवस्थामा महिलाको शव बरामद भएको जिल्ला प्रहरी कार्यालय, सर्लाहीले जनाएको छ।
स्थानीयहरूले खेतमा महिलाको शव देखेपछि प्रहरीलाई खबर गरेका थिए। प्रहरीले मृतकका पति शङ्कर र सौता सजनदेवी महतोलाई नियन्त्रणमा लिएर अनुसन्धान गरिरहेको जिप्रका, सर्लाहीले जनाएको छ।
प्रारम्भिक अनुसन्धानमा पति र सौता मिलेर हत्या गरेको हुन सक्ने प्रहरीले अनुमान गरेको छ। शल्यपरीक्षणपछि शव देवर सुरेश महतोलाई जिम्मा लगाएको प्रहरीले जनाएको छ।
