प्रस, वीरगंज, १९ जेठ/
रक्तसञ्चार केन्द्र वीरगंजमा रगत अभाव भएपछि शनिवार वीरगंज महानगरपालिका–१० वडा कार्यालयको आयोजनामा सम्पन्न रक्तदान कार्यक्रममा ७५ जना सहभागी भएका छन् । वडाध्यक्ष सुशील साह कानूले रक्तदान गरेर कार्यक्रमको शुभारम्भ गरेका थिए ।
घडीअर्वा स्पोट्र्स क्लबको सहयोगमा वडा समिति कार्यालयले आयोजना गरेको रक्तदानमा चारजना महिलासहित ७५ जनाले रक्तदान गरेका रक्तसञ्चार केन्द्र वीरगंजका राजन रौनियारले बताए ।
कार्यक्रममा सन्तोष जैसी, पवन प्रधान, लक्ष्मी शर्मा, सन्तोषी देवी, इन्दुशोभा श्रेष्ठ, रञ्जु गिरी, आकाश अधिकारी, सन्तोष गुप्ता, लखनलालसाह कानू, सन्तोषकुमार साह, सुनील दासलगायतले रक्तदान गरेका थिए ।
