प्रस, वीरगंज, १५ जेठ/
गणतन्त्र दिवसको अवसरमा नेपाल रेडक्रस सोसाइटी पर्सा शाखाले रक्तसञ्चार केन्द्र वीरगंजमा आयोजना गरेको रक्तदान कार्यक्रममा एकजना महिलासहित २८ जनाले रक्तदान गरेका छन्।
रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले कुसुम पोद्दार, बलिराम महतो, वनिश आलम, आकाश गुप्ता, आलोक कुमार, विवेक राउत, सञ्जय पाण्डे, विजय यादव, नसीम अख्तर, सञ्जय साह, नितेश ठाकुर, अर्जुन पटेल, अनिल चौधरीलगायतले रक्तदान गरेको बताए।
कार्यक्रममा नेरेसो पर्साका सभापति वीरेन्द्रराज कँडेल, रक्तसञ्चार केन्द्र वीरगंजकी अध्यक्ष मधु राणा, मदन गुप्तालगायतको सहभागिता थियो।
