प्रस, सेढवा, ८ जेठ/
जीराभवानी गाउँँपालिकामा सञ्चालित दोस्रो जीराभवानी मेयरकप फूटबल प्रतियोगिता अन्तर्गत मङ्गलवार सम्पन्न खेलमा युनिक युवा क्लब, सढी सेमिफाइनलमा प्रवेश गरेको छ।
सढीले युवा समाज पकडीटोललाई एकका विरुद्ध दुई गोल गरी सेमिफाइनलमा प्रवेश गरेको हो। आजको खेलमा युनिक युवा क्लब सढीका सुजल चौधली ‘म्यान अफ दी म्याच’ घोषित भए। उनलाई राष्ट्रिय खेलकूद परिषद्का सदस्य मानदेव हजराले पुरस्कृत गरेका थिए।
भोलिदेखि सेमिफाइनल खेल हुने र पहिलो सेमिफाइनल खेलमा ब्रह्मबाबा युवा क्लब, सहजानपुर र न्यू सनलाइट युवा क्लब, सुपौली ‘ए’ भिड्ने आयोजक संस्थाका ओमप्रकाश महतोले बताए।
यसैगरी, आजको विजेय युनिक युवा क्लब, सढी र युवा प्रगति समाज, सेढवाबीच बिहीवार दोस्रो सेमिफाइनल खेल हुने उनले बताए।
