प्रस, वीरगंज, २६ चैत/
जीतपुरसिमरा उपमहानगरपालिका–९ छातापिपरास्थित त्रिवेणी समूहको त्रिवेणी स्पिनिङ मिल्समा आगलागी भएको छ । सोमवार दिउँसो पौने ३ बजे विद्युत् शर्ट भएर आगलागी भएपछि २५ सय केभिएको ट्रान्सफर्मर पूर्णरूपमा क्षतिग्रस्त भएको छ ।
विद्युत् सर्ट भएर आगलागी भएको उद्योगका प्रशासन प्रमुख राजेश पटेलले बताए । वीरगंज महानगर, कलैया तथा जीतपुरसिमरा उपमहानगरका चारवटा वारुणयन्त्रको सहयोगमा आगलागी नियन्त्रण भएको थियो । आगलागीबाट लाखौं मूल्यको क्षति भएको बताइएको छ । प्रहरीले अनुसन्धानपछि क्षति यकीन हुने बताएको छ ।
