प्रस, वीरगंज, २४ चैत/
जीतपुरसिमरा उपमहानगरपालिका–२१ अमलेखगंजमा गएराति बसको ठक्करले ट्राफिक प्रहरी मुनटुन यादवको मृत्यु भएको छ ।
अमलेखगंज चोकमा राति ड्युटीमा खटेका ट्राफिक प्रहरी जवान यादवलाई काठमाडौंबाट काँकडभिट्टातर्फ गइरहेको बाग्मती प्रदेश ०१–०० ख ६१२३ नम्बरको बसले राति सवा ११ बजे ठक्कर दिएको र उनको घटनास्थलमैं मृत्यु भएको बारा प्रहरीले जनाएको छ ।
ट्राफिक प्रहरी जवान राति सवारी चेकजाँचमा खटिएका थिए र उनले सो क्रममा बस रोक्न खोज्दा बे्रक नलागेर यादवलाई ठक्कर दिएको र उनको घटनास्थलमा नै मृत्यु भएको जिप्रका, बाराका प्रवक्ता एवं प्रहरी नायब उपरीक्षक दधिराम न्यौपानेले बताए ।
