वीरगंज युनाइटेडलाई उपाधि

प्रस, वीरगंज, २४ चैत/
तेस्रो डुमरवाना गोल्डकप फूटबलको उपाधि वीरगंज युनाइटेडले जितेको छ । शुक्रवार डुमरवाना खेलमैदानमा भएको फाइनल खेलमा भरतपुर फूटबल क्लबलाई शून्यका विरूद्ध एक गोलअन्तरले पराजित गर्दै वीरगंज युनाइटेडले उपाधि जितेको हो । वीरगंज युनाइटेडका अभिषेक चौधरीले गरेको एक गोल फाइनलको निर्णायक बन्यो । प्रतियोगिताको विजेता वीरगंज युनाइटेडलाई कृषिमन्त्री ज्वालाकुमारी साह र उपविजेतालाई जीतपुरसिमरा उपमहानगरपालिकाका प्रमुख राजन पौडेलले नगद, शिल्ड, मेडल र प्रमाणपत्र वितरण गरेका थिए ।