दिनेशकुमार मिश्र, वीरगंज, ५ चैत/
चैनपुर परिवारको आयोजनामा परवानीपुर गाउँपालिकाको सहयोगमा प्रथम चैनपुर प्रिमियर लिग क्रिकेट प्रतियोगिताको तेस्रो दिनको खेलमा रोयल च्यालेन्जर्स विजयी भएको छ ।
रोयल च्यालेन्जर्स चैनपुर र शिवपुर टाइगर्सबीचको खेलमा रोयल च्यालेन्जर्स चैनपुरले टस जितेर शिवपुर टाइगर्सलाई ब्याटिड्ढो निम्तो दिएपछि शिवपुरले निर्धारित १६ ओभरको खेलमा सात विकेटको क्षतिमा १४३ रन बनाएको थियो ।
१४४ रनको विजयी लक्ष्य पाएको रोयल च्यालेन्जर्स चैनपुर १५ ओभरमा तीन विकेटको क्षतिमा १४४ रन बनाएर विजयी भयो ।
रोयल च्यालेन्जर्स चैनपुरका राजन साहले ३२ बलमा ६७ र अशोक साहले ४५ बलमा ३८ रन बनाएका थिए । आजको खेलमा राजन साह ‘म्यान अफ दी म्याच’ घोषित भए । भोलि मङ्गलवार चैनपुर क्यापिटल र चैनपुर इगलबीच खेल हुने आयोजक क्लबका अध्यक्ष प्रदीप महतोले बताए ।
