सिडनी, १ चैत/एएफपी
चीनका विदेशमन्त्री वाङ यी अर्काे हप्ता अस्ट्रेलियाको भ्रमण गर्ने भएका छन् । सन् २०१७ पछि चिनियाँ विदेशमन्त्री वाङ उच्चपदस्थ अधिकारीका रूपमा अस्ट्रेलिया भ्रमण गर्ने पहिलो व्यक्ति हुन् । मानव अधिकार र प्रशान्त क्षेत्रमा चीनको बढ्दो कूटनीतिक तथा सैन्य प्रभाव भएपनि उनको भ्रमण दुर्ई देशबीच सहज व्यापारिक सम्बन्ध स्थापनाका लागि हुन लागेको हो ।
अस्ट्रेलियाका प्रधानमन्त्री एन्थोनी अल्बानिजले व्यापार अवरोध हटाउन ‘उल्लेखनीय प्रगति’ भएको उल्लेख गर्दै बिहीवार पत्रकारहरूसँग भने–“मलाई लाग्छ वाङ यीले अस्ट्रेलिया भ्रमणलाई महŒव दिनु राम्रो कुरा हो ।”
चिनियाँ विदेशमन्त्रीले मार्च २० मा क्यानबेरामा विदेशमन्त्री पेनी वोङसँग ‘रणनीतिक वार्ता’ गर्ने कार्यक्रम छ ।
“हामी चीनसँग जहाँ सक्छौं, त्यहाँ सहकार्य गर्न चाहन्छौं, जहाँ आवश्यक छ त्यहाँ असहमत हुन चाहन्छौं र हाम्रो राष्ट्रिय हितमा संलग्न हुन चाहन्छौं”– वोङले एक विज्ञप्तिमार्पmत जानकारी गराए । “यदि हामीले हाम्रा मतभेदहरूको विवेकपूर्ण ढङ्गले मार्गनिर्देश ग-यौं भने स्थिर द्विपक्षीय सम्बन्धले दुवै देशलाई आआफ्नो राष्ट्रिय हित अगाडि बढाउन सक्षम बनाउँछ भन्ने अस्ट्रेलियाको धारणा हो ।” सन् २०२२ मा अल्बानिजको मध्य–वामपन्थी लेबर पार्टीले सरकारको नेतृत्व गरेपछि अस्ट्रेलियाको चीनसँग व्यापार सम्बन्धमा सुधार आएको छ ।
क्यानबेराले हुवावेलाई फाइभजी सम्झौतामा प्रतिबन्ध लगाएपछि चीनले सन् २०२० मा अस्ट्रेलियाका प्रमुख निर्यातमा थप कर लगाउँँदै सहज व्यापारको वातावरणमा अवरोध ल्याएको थियो ।
बेइजिङले यस अघि नै अस्ट्रेलियाली कोइला, काठ र जौमा कर र प्रतिबन्धहरू हटाइसकेको छ र यसले अस्ट्रेलियाली वाइनमा लगाएको प्रतिबन्ध पनि हटाउने अपेक्षा गरिएको छ ।
मेलबर्नस्थित ट्रेजरी वाइन एस्टेट्सले यसै साता चिनियाँ र अस्ट्रेलियाली अधिकारीहरूले पाँच महीनाको समीक्षापछि वाइनको शुल्क हटाउने बेइजिड्ढो ‘अन्तरिम मस्यौदा सङ्कल्प’ बारे सुझाव दिएको बताएको छ ।
यसले ‘आगामी हप्ताहरूमा’ अन्तिम निर्णयको अपेक्षा गरेको छ । सन् २०२३ को नोभेम्बरमा अल्बानिजले बेइजिड्ढो सफल भ्रमण गरेका थिए र दुर्ई देशबीचको सम्बन्धमा भएको प्रगतिलाई ‘धेरै सकारात्मक’ भनेका थिए ।
तर रणनीतिक क्षेत्रमा भने दुर्ई देशबीच मतभेद कायमै छ । गत महीना अस्ट्रेलिया सरकारले चिनियाँ मूलका अस्ट्रेलियाली विद्रोही लेखक याङ जुनलाई मृत्युदण्डको सजाय सुनाएपछि आक्रोश व्यक्त गरेको थियो ।
यस सन्दर्भमा वोङले भनेका थिए–“यस्ता निर्णयहरूले सम्बन्धमा ‘प्रभाव पार्नेछ’ ।” अस्ट्रेलिया र उसका सहयोगीहरू दक्षिण प्रशान्त क्षेत्रमा चीनको विस्तारित पहुँच रोक्न खोजिरहेका छन् ।
बेइजिङले सन् २०२२ मा सोलोमन आइल्यान्ड्ससँग गोप्य सुरक्षा सम्झौता गरेपछि क्यानबेरा र वाशिङ्टनले चीनको तीव्र आलोचना गरेका थिए ।
अस्ट्रेलियाले दक्षिण चीन सागरमा बेइजिड्ढो सार्वभौमिकताको दाबीको विरोध गर्न अमेरिका र यस क्षेत्रका एशियाली देशहरूलाई पनि समर्थन गर्छ ।
वाइनबाट चिनियाँ शुल्क हट्यो भने अस्ट्रेलियाली पराल र गाईको मासुमा मात्र प्रतिबन्ध कायम रहनेछ । रासस
