प्रस, बिरुवागुठी ३० फागुन/
पर्सागढी नगरपालिकाका प्रमुख प्रशासकीय अधिकृतमा रामदत्त भट्ट सरुवा भएर आएका छन् । उनलाई बुधवार नगरप्रमुख गोकर्ण पाठकले कार्यालयमा स्वागत गरे ।
भट्ट सङ्घीय मामिला तथा सामान्य प्रशासन मन्त्रालयबाट सरुवा भएर पर्सागढी नगरपालिकाको प्रमुख प्रशासकीय अधिकृत भएर आएका हुन् ।
यसैगरी नगरप्रमुख पाठकले पर्सागढी नपाका प्रमुख प्रशासकीय अधिकृत छविरमण भट्टराईलाई बिदाइ गरेका छन् ।
पर्सागढीमा १८ महीना काम गरेका भट्टराईको जिल्ला प्रशासन कार्यालय, बारा सरुवा भएको छ । उनी त्यहाँको सहायक प्रमुख जिल्ला अधिकारीमा सरुवा भएका हुन् र उनलाई नगरप्रमुख पाठकले बिदाइ गरेका थिए । कार्यक्रममा उपप्रमुख पूजा चौधरी, वडाध्यक्षहरू र कर्मचारीहरू सहभागी थिए ।
