प्रस, वीरगंज, ३० फागुन/
जिल्ला प्रहरी कार्यालय, बाराले ११ किलो गाँजासहित एकजनालाई पक्राउ गरेको छ ।
जीतपुरसिमरा उपमहानगरपालिका–२२ अमलेखगंजस्थित जङ्गल एरियामा गस्ती गर्ने क्रममा जीतपुर सिमरा उपमनपा–८ बस्ने ५४ वर्षीय वासुदेव महतोलाई ११ किलो गाँजासहित पक्राउ गरिएको जिप्रका, बाराले जनाएको छ ।
पक्राउ परेका महतोलाई बारा जिल्ला अदालतबाट पाँच दिनको म्याद थप गरी अनुसन्धान भइरहेको जिप्रका, बाराले जनाएको छ ।
यसैगरी जिप्रका, पर्साले भन्सार छली चोरी पैठारी गरी ल्याएको कपडा नियन्त्रणमा लिई वीरगंज भन्सारलाई बुझाएको छ ।
मङ्गलवार वीरगंज–७ स्थित सडकखण्डबाट भारतबाट भन्सार छली चोरी पैठारी गरी ल्याइएको आठ लाख ३९ हजार मूल्य बारबरको कपडा नियन्त्रणमा लिई वीरगंज भन्सार कार्यालयमा बुझाएको छ ।
