मोटरसाइकल दुर्घटनामा एकजनाको मृत्यु

प्रस, रौतहट, १८ चैत/
रौतहटमा दुईवटा मोटरसाइकल एकापसमा ठोक्किंदा एकजनाको मृत्यु भएको छ । मृत्यु हुनेमा बौधीमाई नगरपालिका–४ इनर्वारी निवासी २५ वर्षीय सुरेश पासवान रहेको प्रहरीले जनाएको छ ।
आइतवार बिहान रौतहटको परोहा नगरपालिकाको वसन्तपट्टी र लौकाहाको बीचमा पर्ने सडकमा दुर्घटना भएको र गम्भीर घाइते भएका पासवानलाई थप उपचारको लागि वीरगंज पठाइएको थियो । उनको उपचारको क्रममा निधन भएको प्रहरीले जनाएको छ ।
पासवान र परोहा नगरपालिका जिगडवा निवासी अलियासका मोटरसाइकल एकापसमा ठोक्किएको थियो ।