प्रस, सेढवा, १५ फागुन/
जगरनाथपुर गाउँपालिकाले आयोजना गरेको दोस्रो राष्ट्रपति रनिङ शिल्ड प्रतियोगिता–२०८० मङ्गलवार सम्पन्न भएको छ । प्रतियोगितामा नेरामावि, मसिहानी प्रथम भएको छ भने नेरामावि, जगरनाथपुर दोस्रो र नेरामावि, सन्ठीले तृतीय स्थान हासिल गरेको छ ।
जगरनाथपुर गापा–५ मदुवाहा खेलमैदानमा भएको प्रतियोगितामा आज विजयी विद्यालयका विद्यार्थीहरूलाई पुरस्कार वितरण गरिएको छ ।
वडाध्यक्ष बिहारी महतो नुनियाको अध्यक्षतामा भएको कार्यक्रममा गापा अध्यक्ष श्रीकान्त यादव, उपाध्यक्ष बबितासिंह क्षत्री, प्रमुख प्रशासकीय अधिकृत कृष्णनन्दन राय, शिक्षा समितिका सदस्य रामायण यादव, प्रअ रामनरेश कोइरी, बादशाह साह, धुरेन्द्र पटेललगायतले मन्तव्य राखेका थिए ।
प्रतियोगितामा प्राथमिक, निम्न माध्यमिक तथा माध्यमिक तहका छात्रछात्राहरूबीच हाइजम्प, लङजम्प, १००, २००, ४०० र ८०० मिटरको दौड, शटपुट, ज्याभलिङ थ्रो र कबड्डी खेल खेलाइएको थियो ।
