प्रस, वीरगंज, १५ फागुन/
अल्पाइन अन्तरकलेज टी–२० कप क्रिकेट प्रतियोगिता अन्तर्गत मङ्गलवार क्वाटरफाइनल चरणका दुई अन्तिम खेल सम्पन्न भएका छन् ।
पहिलो क्वाटरफाइलन खेलमा वीरगंज पब्लिक कलेज ले डेसिमल कलेजलाई पराजित गर्दै सेमिफाइनलमा प्रवेश पाएको छ भने दोस्रो खेलमा नेशनल इन्फोटेकले श्रीदुर्गा कलेजलाई पराजित गर्दै सेमिफाइनमा प्रवेश गरेको छ ।
पहिलो खेलमा वीरगंज पब्लिक कलेजले ब्याटिङ गर्दै १८.३ ओभरमा सबै विकेट गुमाएर १२४ रन बनाएको थियो । प्रतिउत्तरमा डेसिमल कलेज १९.३ ओभरमा सबै विकेट गुमाएर ११९ रन मात्र बनाउन सक्यो । यस खेलको ‘म्यान अफ दी म्याच’ वसिम अलि मन्सुर घोषित भए ।
दोस्रो खेलमा नेशनल इन्फोटेकले श्रीदुर्गा कलेजलाई सात विकेटअन्तरले पराजित ग-यो । ब्याटिङ गरेको श्रीदुर्गा ९.२ ओभरमा सबै विकेट गुमाएर ३४ रनमा सीमित भएको थियो । यो लक्ष्यलाई नेशनलले ४.३ ओभरमा तीन विकेटको नोक्सानीमा पूरा गर्दै विजयी भयो ।
