औषधि बरामद

प्रस, वीरगंज, १४ फागुन/
सशस्त्र प्रहरीले रु अढाई लाखको औषधि बरामद गरी भन्सार कार्यालय चलान गरेको छ ।

वीरगंज महानगर–६ अलखियामठबाट सोमवार दिउँसो सशस्त्र प्रहरीले अढाई लाख मूल्य बराबरको औषधि बरामद गरेको जनाएको छ । भारतीय नम्बरको मोटरसाइकलमा सवार दुईजनाले कार्टुनमा औषधि ल्याइरहेको र रोक्दा उनीहरू मोटरसाइकल र औषधि फालेर फरार भएका थिए । २०० एमएलका १४४ बट्टा न्युट्रिडेक्स मल्टिभिटामिन रहेको र सोलाई आजै वीरगंज भन्सार पठाइएको सशस्त्र प्रहरीले जनाएको छ ।