दिनेशकुमार मिश्र, वीरगंज, ७ फागुन/
सखुवाप्रसौनी गाउँपालिकामा जारी दोस्रो क्रिकेट प्रतियोगिता–२०८० अन्तर्गत सोमवार पनि दुईवटा खेल सम्पन्न भए ।
पहिलो खेलमा परवानीपुर गाउँपालिकाले पर्सागढी नगरपालिकालाई ९६ रनअन्तरले पराजित ग¥यो । टस जितेर ब्याटिङ गरेको परवानीपुरले १६ ओभरमा नौ विकेट गुमाइ १८२ रन बनाएको थियो । प्रतिउत्तरमा पर्सागढी नगरपालिका १३ ओभरमा सबै विकेट गुमाएर ८६ रनमा सीमित भयो । पहिलो खेलको ‘म्यान अफ दी म्याच’ परवानीपुरका सरोज पटेल घोषित भए । उनले चार ओभरमा २६ रन दिएर पाँच विकेट लिएका थिए ।
दोस्रो खेलमा जगरनाथपुरले वीरगंज–२६ लाई २९ रनअन्तरले पराजित ग-यो । पहिला ब्याटिङ गरेको जगरनाथपुरले १५ ओभरमा सबै विकेट गुमाएर ९४ रन बनाएको थियो । प्रतिउत्तरमा वीरगंज–२६ ले १४ ओभरमा सबै विकेट गुमाएर ६५ रनमा सीमित भयो । दोस्रो खेलको ‘म्यान अफ दी म्याच’ चार ओभरमा ११ रन दिएर चार विकेट लिएका शङ्कर चौधरी घोषित भए ।
मङ्गलवार पनि दुईवटा खेल हुने आयोजक कमिटीले जनाएको छ । पहिलो खेल सखुवाप्रसौनी र धोबिनी तथा दोस्रो खेल छिपहरमाई र देउरवाना (सखुवाप्रसौनी)बीच हुने बताइएको छ ।
