प्रस, रौतहट, ४ फागुन/
राजदेवी नगरपालिका–६ का बासिन्दाले शुक्रवार राहुल साहको हत्यारालाई कारबाईको माग गर्दै प्रदर्शन गरेका छन् ।
गौर नगरपालिकाका विभिन्न क्षेत्रमा जुलूस प्रदर्शन गर्दै सहभागीहरूले प्रहरीको विरोधमा चर्को नारा लगाएका थिए । उनीहरूले ‘दोषीलाई कारबाई गर’, ‘फरार अभियुक्तलाई पक्राउ गर’लगायतका नारा लगाएका थिए ।
नगरपरिक्रमापछि जिल्ला प्रहरी कार्यालय, रौतहटअगाडि पीडित परिवारले धर्ना दिएको थियो । गत कात्तिक २४ गते राजदेवी नगरपालिका–६ निवासी राहुल गुप्तालाई चारजना मिली छुरा प्रहार गरी हत्या गरेको मृतकका बुबा नागेन्द्र साहले बताए ।
घटनामा संलग्न रहेको आरोपमा सोही ठाउँ निवासी राहुल गुप्ता पक्राउ परेका छन् भने मुकेश गुप्ता, अनिल गुप्ता र विनोद गुप्ता फरार रहेका साहले बताए ।
