नितेश कर्ण, वीरगंज, २४ पुस/
सशस्त्र प्रहरी बल प्रस्तावित सीमा सुरक्षा गुल्म भिखमपुरको टोलीले बोलेरो गाडीबाट १६८ किलो गाँजा बरामद गरेको छ ।
वीरगंजबाट ठोरीतर्फ जाँदै गरेको बा.११ च ९६८६ नम्बरको बोलेरो पिकअपमा फल्स बटन बनाई १६ वटा प्याकेटमा गाँजा लैजाने क्रममा सूचनाको आधारमा सो सवारी साधन चेकजाँच गरेको र गाँजा बरामद भएपछि बोलेरो गाडीका चालक, सहचालकलाई नियन्त्रणमा लिएको सशस्त्र प्रहरीले जनाएको छ । चालक, सहचालकबाट ७८,५०० नगद र दुईथान मोबाइल बरामद भएको सामानसहित कसूरवारहरूलाई नेपाल प्रहरीको जिम्मा लगाइएको सशस्त्र प्रहरीले जानकारी गराएको छ ।
