प्रस, पचगावाँ, २२ पुस/
जिल्ला प्रहरी कार्यालय, पर्साले गाँजाको धूलोसहित दुर्ईजनालाई शनिवार राति पक्राउ गरेको छ ।
सखुवापरसौनी गाउँपालिका–५ महुवनचोकस्थित जानकीटोला जाने गण्डक नहरको सडकखण्डमा इलाका प्रहरी कार्यालय पोखरिया र प्रहरी चौकी महुवनले बा.प्र.०३–००१ च.१५४० नंको पिकअप चेकजाँच गर्दा चालकको सिटमुनि लुकाएर राखिएको ४२ किलो गाँजाको धूलो फेला परेको जिप्रका, पर्साले जनाएको छ ।
प्रहरीले चालक मकवानपुर जिल्ला, भीमफेदी गाउँपालिका–९ स्यारसे बस्ने ३४ वर्षीय सुमन ब्लोन र पटेर्वासुगौली गापा–४ बस्ने ४० वर्षीय विनोद रामलाई पक्राउ गरी लागू औषधसम्बन्धी कसूरमा अनुसन्धान भइरहेको जिप्रका, पर्साले जनाएको छ ।
