प्रस, वीरगंज, २१ पुस/
समग्र उद्योग ट्रेड युनियन नेपाल नन्दन घ्यू एन्ड आयल इन्डस्ट्रिज प्रालि, सिमराको १३औं अधिवेशन शुक्रवार सम्पन्न भएको छ । उमेश खतिवडाको अध्यक्षतामा भएको अधिवेशनको उद्घाटन युनियनका अध्यक्ष आनन्द थामीले गरेका थिए ।
कार्यक्रममा युनियनकी सचिव गीता भण्डारी, जिफन्ट मधेसका सचिव मुक्ति चौधरी, एमालेका मदन तिमल्सिना, जिफन्टका जिल्ला सचिव श्यामबाबू पटेल, सुरज गौतम, रमाकान्त चौधरी, प्रकाश पौडेललगायतले अधिवेशन सफलताको लागि शुभकामना व्यक्त गरेका थिए ।
अधिवेशनले आगामी दुई वर्षका लागि श्यामबाबूप्रसाद पटेलको अध्यक्षतामा सात सदस्यीय कार्यसमिति चयन गरेको छ । समितिको उपाध्यक्ष जटाशङ्कर चौधरी, सचिव रोहिणी सुवेदी, सहसचिव सुरेश खतिवडा, कोषाध्यक्ष सञ्जय चौधरीलगायत सदस्यहरू छन् । निर्वाचित कार्यसमितिलाई सचिव भण्डारीले शपथ गराएकी थिइन् । कार्यक्रममा बृजकिशोर चौधरीले स्वागत र जटाशङ्कर चौधरीले सहजीकरण गरेका थिए ।
