जमुनियास्थित गोठमा आगलागी

प्रस, वीरगंज, ९ पुस/
आदर्श कोतवाल गाउँपालिका–८ जमुनियामा आइतवार राति शेख मोबारकको गोठमा आगलागी भएको इलाका प्रहरी कार्यालय महेन्द्र आदर्श चिउटाहाले जनाएको छ ।

आगलागीमा मोबारकको खपडाको एकतले गोठमा रहेका बाछा, हाँस, कुखुरा, अन्नपात, लत्ताकपडालगायत सामग्रीहरू जलेर नष्ट भएको वडाध्यक्ष हरिनारायण कुशवाहाले बताए ।

राति १० बजेदेखि लागेको आगो डेढ घण्टापछि स्थानीय, नेपाल प्रहरी, सशस्त्र प्रहरी र सिम्रौनगढ नगरपालिकाको वारुणयन्त्रको सहयोगमा नियन्त्रणमा लिइएको थियो ।