दिनेश मिश्र, वीरगंज, ३ पुस/
पोखरिया नगरपालिकाको सहयोगमा वडा कार्यालय–६ द्वारा आयोजना गरिएको पाँचौं मेयरकप टी–२० क्रिकेट प्रतियोगिता अन्तर्गत मङ्गलवार भएको खेलमा कालिकामाई गाउँपालिका विजयी भएको छ ।
पोखरियाको शेरा खेलमैदानमा आज भएको खेलमा टस जितेर सखुवाप्रसौनी गापाले कालिकामाईलाई ब्याटिड्ढो निम्तो दिएको थियो । कालिकामाईले निर्धारित २० ओभरको खेलमा १९.१ ओभरमा सबै विकेट गुमाएर १७१ रन बनाएको थियो । प्रतिउत्तरमा १७२ रनको विजय लक्ष्यसहित मैदानमा उत्रेको सखुवाप्रसौनी गापाले निर्धारित २० ओभरमा नौ विकेट गुमाएर १५९ रन मात्र बनाएर पराजित भयो । आजको खेलमा ३० बलमा ५० रन र दुई विकेट लिन सफल कालिकामाई गापाका निपु पटेल ‘म्यान अफ दी म्याच’ घोषित भए । भोलि बुधवार पोखरिया नगरपालिका र धोबिनी गापाबीच खेल हुने बताइएको छ ।
