प्रस, वीरगंज, ३ भदौ/
वीरगंजका दुई स्थानमा शनिवार सम्पन्न रक्तदान कार्यक्रममा तीनजना महिलासहित ७८ जनाले रक्तदान गरेको रक्तसञ्चार केन्द्र, वीरगंजका प्रFविधिक प्रमुख सौरभराज पाण्डेले बताए ।
रामगढवा एकता युवा क्लबले आयोजना गरेको रक्तदान कार्यक्रममा दुईजना महिलासहित ३६ जनाले रक्तदान गरेका थिए । धीरेन्द्र बैठा, उदय पटेल, रमिता देवी, राजेश साह कानू, अनिल पटेल, सुगन्धी देवी, रामेश्वर यादवलगायतले रक्तदान गरेका रक्तसञ्चार केन्द्र, वीरगंजका प्राविधिक जीतेन्द्र कुशवाहाले बताए ।
यसैगरी, पर्सा फोटोग्राफर एशोसिएशनले आयोजना गरेको रक्तदान कार्यक्रममा एकजना महिलासहित ४२ जनाले रक्तदान गरेका थिए । रितु कुशवाहा, आदेश चौधरी, विजय ठाकुर, राजु कुशवाहा, गौतम साह, रुस्तम मियाँ चुडिहारलगायत ४२ जनाले रक्तदान गरेका केन्द्रका प्राविधिक प्रमुख पाण्डेले बताए ।
