६० वर्षीय छोरा पक्राउ
प्रस, वीरगंज, २६ साउन/
जीतपुरसिमरा उपमहानगरपालिका–१६ टाङ्गियावस्ती निवासी ९० वर्षिय माइतसिंह घलानको हत्या आरोपमा बारा प्रहरीले निजका ६० वर्षिय छोरा दिलबहादुर घलानलाई पक्राउ गरेको छ ।
बारा प्रहरीका प्रवक्ता प्रहरी नायब उपरिक्षक दधिराम न्यौपानेले शुक्रवार पौने एकबजे ९० वर्षिय घलानको हत्या भएको सुचना आएको र इलाका प्रहरी कार्यालय निजगढका प्रहरी निरिक्षक घनश्याम श्रेष्ठ नेतृत्वको टोली गएर घटनास्थलमा बुझ्दा प्रारम्भिक अनुसन्धानमा घरायसी विवादका कारण बृद्ध घलानको हत्या भएको थाहा भएपछि अनुसन्धानका लागि ६० वर्षिय छोरा दिलबहादुर घलानलाई नियन्त्रणमा लिएको बताए । उनले घटनाबारेमा थप अनुसन्धान भैरहेका र यथार्थ जानकारी प्राप्त भएपछि मिडियालाई जानकारी गराउने बताए ।
