प्रस, वीरगंज, २१ फागुन/
वीरगंजबाट विराटनगर जाँदै गरेको बस निजगढ नगरपालिका–८ बुधचोकमा ब्याक गर्ने क्रममा ठोक्किएर एकजनाको मृत्यु भएको जिल्ला प्रहरी कार्यालय, बाराले जनाएको छ ।
आइतवार मध्याह्न १२ बजे को.१ख ५७०० नम्बरको बसले ब्याक गर्ने क्रममा सोही ठाउँका ५० वर्षीय मजिद मियाँलाई ठक्कर दिई घिसारेर गम्भीर घाइते बनाएको थियो । घाइतेको सिटी अस्पतालमा उपचारपश्चात् थप उपचारको लागि हेल्थकेयर अस्पताल, वीरगंज ल्याउँदा बाटोमैं मृत्यु भएको प्रहरीले जनाएको छ ।
प्रहरीले बसचालक सिराहा सुखीपुर नगरपालिका–८ बस्ने वर्ष ४२ का ललनकुमार दास र बसलाई नियन्त्रणमा लिएको छ ।
